കോട്ടാംപറമ്പ്: മുണ്ടിക്കല്‍ താഴം സി.ഡബ്ല്യു.ആര്‍.ഡി.എം റോഡ് നവീകരണം വൈകുന്നതില്‍ പ്രതിഷേധിച്ച് ശാഖാ മുസ്്‌ലിം ലീഗ് കമ്മിറ്റി ധര്‍ണ നടത്തി. സ്ഥലം എം.എല്‍.എക്കും കൗണ്‍സിലര്‍ക്കും മിണ്ടാട്ടമില്ലെന്ന് മുസ്്‌ലിം ലീഗ് ആരോപിച്ചു. യൂത്ത് ലീഗ് സംസ്ഥാന സെക്രട്ടറി ആഷിഖ് ചെലവൂര്‍ ഉദ്ഘാടനം ചെയ്തു.
പ്രസിഡന്റ് എം.പി കുഞ്ഞായിന്‍ അധ്യക്ഷനായി. അഡ്വ. ശരണ്യ ചെലവൂര്‍,കെ. ആമിന ടീച്ചര്‍, എം. മാമുക്കുട്ടി, എം.സി ബഷീര്‍ മാസ്റ്റര്‍, കെ.കെ ഫിറോസ്, മണ്ടാരത്ത് ഹബീബ്  പ്രസംഗിച്ചു. ഇ. മാമുക്കോയ മാസ്റ്റര്‍,സി.പി ഹസന്‍ കോയ, കെ.കെ സക്കരിയ്യ, സി.നജീബ്, ഇ.പി സജീര്‍,സി.ബഷീര്‍, ചൂലണ്ടന്‍ മുഹമ്മദ്, കെ അബ്ദുല്ലക്കോയ, സി.എ  മജീദ്, കെ.സി മായിന്‍, യു.പി അബൂബക്കര്‍, വി.സി ഫൈസല്‍ നേതൃത്വം നല്‍കി.