തിരൂരങ്ങാടി: വെളിമുക്ക് ക്രസന്റ് റെസിഡന്‍ഷ്യല്‍ ഹയര്‍ സെക്കന്‍ഡറി സ്‌കൂളില്‍ എസ്.എസ്.എല്‍.സി, മദ്‌റസാ പൊതുപരീക്ഷ എന്നിവയില്‍ ഉന്നത വിജയം നേടിയ പ്രതിഭകള്‍ക്ക് പാണക്കാട് സയ്യിദ് സാദിഖലി ശിഹാബ് തങ്ങള്‍ അവാര്‍ഡ് വിതരണം നടത്തി. പൂര്‍വ വിദ്യാര്‍ഥികളായ ഡോ.ബിഷാറുല്‍ ഹാഫി, എം.എ അബൂബക്കര്‍ എന്നിവരെ ആദരിച്ചു.
ക്രസന്റ് സ്‌കൂള്‍ പ്രിന്‍സിപ്പല്‍ സ്ഥാനത്ത്‌നിന്ന് വിരമിച്ച പി. രാജമോഹനന്‍ മാസ്റ്റര്‍ക്ക് യാത്രയയപ്പും നല്‍കി. വെളിമുക്ക് സി.പി കണ്‍വന്‍ഷന്‍ സെന്ററില്‍ നടന്ന പരിപാടി ഹൈക്കോടതി ജഡ്ജ് ജസ്റ്റിസ് സി.കെ അബ്ദുറഹീം ഉദ്ഘാടനം ചെയ്തു.
സി.കെ.എം സ്വാദിഖ് മുസ്‌ലിയാര്‍ അധ്യക്ഷനായി. പി. അബ്ദുല്‍ ഹമീദ് എം.എല്‍.എ, കെ.എന്‍.എ ഖാദര്‍ എം.എല്‍.എ, മാനേജര്‍ ഹാജി പി.കെ മുഹമ്മദ്, പ്രിന്‍സിപ്പല്‍ പി.അബ്ദുറഹ്മാന്‍, എം.എം കുഞ്ഞാപ്പു മുസ്‌ലിയാര്‍, ഡോ. യു.വി.കെ മുഹമ്മദ്, ഡോ. എന്‍.എ.എം അബ്ദുല്‍ ഖാദര്‍, കെ.എം അബ്ദുല്ല മാസ്റ്റര്‍, പിണങ്ങോട് അബൂബക്കര്‍, കെ. മോയിന്‍ കുട്ടി മാസ്റ്റര്‍ തുടങ്ങിയവര്‍ സംസാരിച്ചു.