ഏനാമാവ് :ഏനാമാവ് കര്‍മലമാതാ ഇടവകയില്‍ ഹരിത ഭവനം പദ്ധതിക്ക് തുടക്കമായി. ഒരു വര്‍ഷം നീണ്ട സി.എല്‍.സി ശതാപ്തി ആഘോഷങ്ങളുടെ ഭാഗമായാണ് പദ്ധതിക്ക് തുടക്കം കുറിച്ചത്. ഇടവകയില്‍ അറനൂറിലധികം ഭവനങ്ങളില്‍ പച്ചക്കറിവിത്തുകളുടെ വിതരണവും പ്ലാസ്റ്റിക്ക് നിര്‍മാര്‍ജനവും കമ്പോസ്റ്റ് വളനിര്‍മാണവും ഉള്‍പ്പെടുത്തിയാണ് പദ്ധതിക്ക് തുടക്കം കുറിച്ചത്.
മുല്ലശേരി ബ്ലോക്ക് പഞ്ചായത്ത് പ്രസിഡന്റ് ലതി വേണുഗോപാല്‍ ഉദ്ഘാടനം ചെയ്തു. വികാരി ഫാ. ജോണ്‍സണ്‍ അരിമ്പൂര്‍ അധ്യക്ഷനായി. അസോസിയേറ്റ് പ്രൊഫ.ജെസ്റ്റോസി ബെന്നി, ട്രസ്റ്റി ജോസ് വെള്ളറ, കണ്‍വീനര്‍ ബിജോയ് പെരുമാട്ടില്‍, തോമസ് ജോസഫ് സംസാരിച്ചു.
ഉച്ചക്ക് ശേഷം നടന്ന കാര്‍ഷിക സെമിനാറില്‍ താന്ന്യം കൃഷി ഓഫിസര്‍ ഡോ.എ.ജെ വിവന്‍സി വിഷയാവതരണം നടത്തി. നടീല്‍ വസ്തുക്കളുടെ പ്രദര്‍ശനവും വില്‍പ്പനയും നടന്നു.