തെഹ്‌റാന്‍: ആണവ കേന്ദ്രങ്ങള്‍ക്കുനേരെ സൈബര്‍ ആക്രമണം നടത്തുന്ന രാജ്യങ്ങള്‍ തിരിച്ചടി നേരിടേണ്ടിവരുമെന്ന മുന്നറിയിപ്പുമായി ഇറാന്‍. ന
താന്‍സ് ആണവകേന്ദ്രത്തിലുണ്ടായ അഗ്നിബാധക്ക് കാരണം സൈബര്‍ അട്ടിമറിയാകാമെന്ന് ഇറാന്‍ ഉദ്യോഗസ്ഥര്‍ സംശയം പ്രകടിപ്പിച്ചതിനു പിന്നാലെയാണ് ഇതിനു പിന്നില്‍ പ്രവര്‍ത്തിച്ച രാജ്യത്തോട് പ്രതികാരം ചെയ്യുമെന്ന് ഇറാന്‍ സിവിലിയന്‍ പ്രതിരോധ മേധാവി മുന്നറിയിപ്പ് നല്‍കിയത്.
അതേസമയം, അഗ്നിബാധയ്ക്കു പിന്നിലെ കാരണം അന്വേഷണസംഘം കണ്ടെത്തിയതായും എന്നാല്‍, സുരക്ഷാ കാരണങ്ങളാല്‍ വിശദാംശങ്ങള്‍ ഇപ്പോള്‍ പുറത്തുവിടാനാവില്ലെന്നും ഇറാന്‍ ഉന്നത സുരക്ഷാസമിതി വക്താവ് അറിയിച്ചു.
യു.എന്‍ ആണവ നിരീക്ഷണ ഏജന്‍സിയായ അന്താരാഷ്ട്ര ആണവോര്‍ജ ഏജന്‍സി (ഐ.എ.ഇ.എ) പരിശോധകരുടെ നിരീക്ഷണത്തിലുള്ള ഇറാനിയന്‍ ആണവ കേന്ദ്രങ്ങളിലൊന്നാണ് നതാന്‍സ് യുറേനിയം സമ്പുഷ്ടീകരണ നിലയം.
വ്യാഴാഴ്ചയാണ് മധ്യ ഇറാന്‍ പ്രവിശ്യയായ ഇസ്ഫഹാനിലെ മരുഭൂമിയില്‍ സ്ഥിതിചെയ്യുന്ന നതാന്‍സില്‍ വന്‍ അഗ്‌നിബാധയുണ്ടായത്.