പെരുമ്പാവൂര്‍: ആശാന്‍ സ്മാരക സാഹിത്യ വേദിയുടെ പ്രവര്‍ത്തനോദ്ഘാടനം മുനിസിപ്പല്‍ ചെയര്‍പേഴ്‌സണ്‍ സതി ജയകൃഷ്ണന്‍ നിര്‍വഹിച്ചു. എസ്.എന്‍.ഡി.പി യൂണിയന്‍ പ്രസിഡന്റ് കെ.കെ. കര്‍ണ്ണന്‍ മുഖ്യപ്രഭാഷണം നടത്തി. ആശാന്‍ സ്മാരക സമിതി പ്രസിഡന്റ് ഡോ. കെ.എച്ച്. ഭാസ്‌ക്കരന്‍ അധ്യക്ഷത വഹിച്ചു. സത്യന്‍ താന്നിപ്പുഴയുടെ ബാലസാഹിത്യ കൃതിയായ 'വിജയം പരിശ്രമിച്ച് നേടണം' എന്ന പുസ്തകത്തിന്റെ പ്രകാശനം എല്‍ദോസ് കുന്നപ്പിള്ളി എം.എല്‍.എ ഡോ. കെ.എ. ഭാസ്‌ക്കരന് നല്‍കി പ്രകാശനം ചെയ്തു. ചെയര്‍പേഴ്‌സണ്‍ സതി ജയകൃഷ്ണന്‍, എം.എം. ഓമനക്കുട്ടന്‍, ഡോ. സുമ എന്നിവര്‍ സംസാരിച്ചു.