പരപ്പനങ്ങാടി: പരപ്പനങ്ങാടി ശിഹാബ് തങ്ങള്‍ ഫൗണ്ടേഷന്റെ കാരുണ്യം സഹായ പദ്ധതി രണ്ടാം ഘട്ടവും സ്‌നേഹസംഗമവും പി.കെ അബ്ദുറബ്ബ് എം.എല്‍.എ ഉദ്ഘാടനം ചെയ്തു.
പദ്ധതിയുടെ ഭാഗമായി മാസാന്ത ഭക്ഷണക്കിറ്റ് നല്‍കുന്ന നിര്‍ധന കുടുംബങ്ങളുടെ ലിസ്റ്റ്  സംഘാടകസമിതി ചെയര്‍മാന്‍ പി അലിഅക്ബറിന് എം.എല്‍.എ കൈമാറി. പി.എസ്.എച്ച് തങ്ങള്‍ അധ്യക്ഷനായി. പി മുഹ്‌യദ്ദീന്‍ മദനി മുഖ്യപ്രഭാഷണം നടത്തി. കുന്നുമ്മല്‍ കോയ കടലുണ്ടിനഗരം, എന്‍.വി.പി മുഹമ്മദ്ഹാജി, മലബാര്‍ ബാവഹാജി, ജന്നാത്ത് അഷ്‌റഫ്, മുഹമ്മദ് അഷ്‌റഫ് കുഞ്ഞാവാസ്, അഡ്വ. കെ.കെ സൈതലവി, ചുക്കാന്‍ ഇബ്രാഹിം ഹാജി, പി.വി കുഞ്ഞിമരക്കാര്‍, സ്റ്റാര്‍ മുനീര്‍, എന്‍.കെ സൈതലവി സംസാരിച്ചു.