ഗൂഡല്ലൂര്‍: നീലഗിരി ജില്ലയില്‍ 2019-20 വര്‍ഷങ്ങളില്‍ സ്‌കൂളില്‍ പോകാത്ത കുട്ടികളുടെയും ഭിന്നശേഷിക്കാരായ കുട്ടികളുടെയും ജില്ലാ തലത്തിലുള്ള കണക്കെടുപ്പ് അടുത്ത മാസം എട്ടു മുതല്‍ പതിനഞ്ച് വരെ നടക്കും.
അധ്യാപകര്‍, അങ്കണവാടി ജീവനക്കാര്‍, ശിശുക്ഷേമ വകുപ്പ്, പൊലിസ് വകുപ്പ്, വനം വകുപ്പ്, സന്നദ്ധ സംഘടനകള്‍ എന്നിവര്‍ കണക്കെടുപ്പില്‍ പങ്കെടുക്കും. പ്രായമെത്തിയിട്ടും സ്‌കൂളില്‍ പോകാത്ത കുട്ടികള്‍, സാമ്പത്തിക ശേഷി കുറഞ്ഞ തൊഴിലാളികളുടെ കുട്ടികള്‍, ഭിന്നശേഷിക്കാരായ കുട്ടികള്‍, ബാലവേലകളില്‍ ഏര്‍പ്പെട്ടവര്‍ എന്നിവരുടെ കണക്കെടുപ്പ് നടക്കുന്നതാണ്. ഇത്തരം കുട്ടികളെ കുറിച്ച് 04232448 (ഊട്ടി), 0425220625 (കുന്നൂര്‍), 04266272360 (കോത്തഗിരി), 04262268115 (ഗൂഡല്ലൂര്‍) എന്നീ നമ്പറുകളില്‍ അറിയിക്കാവുന്നതാണ്.