ചങ്ങനാശേരി: സെന്റ് ജോസഫ്‌സ് ഗേള്‍സ് ഹയര്‍ സെക്കണ്ടറി സ്‌കൂളിനെ കമ്മ്യൂണിറ്റി സ്‌കീമില്‍ ഉള്‍പ്പെടുത്തി പ്ലാസ്റ്റിക് മാലിന്യമുക്തമാക്കുന്നതിനുള്ള നടുടികള്‍ക്ക് തുടക്കമായി. സ്‌കൂള്‍ ആഡിറ്റോറിയത്തില്‍ കൂടിയ സമ്മേളനം ചങ്ങനാശേരി മുന്‍സിപ്പല്‍ ചെയര്‍മാന്‍ ലാലിച്ചന്‍ കുന്നിപ്പറമ്പില്‍ ഉദ്ഘാടനം ചെയ്തു. പ്രിന്‍സിപ്പല്‍ റവ.സി.ക്ലാരീസ് അധ്യക്ഷനായി.റസിഡന്റ്‌സ് അപ്പക്‌സ് കൗണ്‍സില്‍ പ്രസിഡന്റ് സി.ജെ ജോസഫ് പദ്ധതി അവതരണം നടത്തി. എന്‍.എസ്.എസ് പ്രോഗ്രാം ഓഫീസര്‍ ആഷി മാത്യൂസ്, ജിബു ബെനഡിക്, വിജി ഫിലിപ്പ്, ഒളശ്ശയില്‍, ഷാജി തോമസ്, അലീന ആന്റണി, ട്രീസാ ജോസഫ് എന്നിവര്‍ പ്രസംഗിച്ചു. ഭാരത സ്‌കൗട്ട് ആന്റ് ഗൈഡ്‌സിന്റെ വീഡിയോ പ്രദര്‍ശനവും ഉണ്ടായിരുന്നു. സെന്റ് ജോസഫ്‌സ് ഹയര്‍ സെക്കണ്ടറി സ്‌കൂളിനു നാഷണല്‍ സര്‍വ്വീസ് സ്‌കീമും, ഭാരത സ്‌കൗട്ട് ആന്‍ഡ് ഗൈഡ്‌സ് യൂണിറ്റും പ്ലാസ്റ്റിക് മാലിന്യമുക്ത പ്രവര്‍ത്തനങ്ങള്‍ക്ക് നേതൃത്വം നല്‍കുന്നു.

പദ്ധതി അനുസരിച്ച് സ്‌കൂളും പരിസരവും ഹരിതപെരുമാറ്റ ചട്ടം നടപ്പാക്കി പ്ലാസ്റ്റിക് മാലിന്യമുക്തമാക്കുന്നതിനോടൊപ്പം കുട്ടികളുടെ വീടുകളില്‍ നിന്നും പ്ലാസ്റ്റിക് പാഴ്‌വസ്തുക്കള്‍ തരംതിരിച്ച് ശേഖരിച്ച് താലൂക്ക് റസിഡന്റ്‌സ് അസോസിയേഷന്‍ അപ്പക്‌സ് കൗണ്‍സിലിന്റെ നോ പ്ലാസ്റ്റ് പദ്ധതി മുഖേന പുന:ചംക്രമണത്തിന് കൈമാറും.