മയ്യില്‍: കുട്ടികളുടെ പ്രതിഭയെ തിരിച്ചറിയുന്നതിനും അവ പരിപോഷിപ്പിക്കുന്നതിനും സര്‍വശിക്ഷാ അഭിയാന്റെ (എസ്.എസ്.എ)നേതൃത്വത്തില്‍ നടന്ന സംസ്ഥാനതല കുട്ടികളുടെ പ്രതിഭാ പരിപോഷണ ക്യാംപ് 'പ്രതിഭോത്സവം' സമാപിച്ചു. അഞ്ചു ദിവസമായി മുല്ലക്കൊടി യു.പി സ്‌കൂളില്‍ നടന്ന ക്യാംപിന്റെ സമാപന സമ്മേളനം ജില്ലാ കലക്ടര്‍ മീര്‍ മുഹമ്മദലി ഉദ്ഘാടനം ചെയ്തു.
 ജെയിംസ് മാത്യു എം.എല്‍.എ അധ്യക്ഷനായിരുന്നു. അഭിനയം, ആലാപനം, ശില്‍പകല, സാഹിത്യം, കരകൗശലം, ഗണിതം, ശാസ്ത്രപരീക്ഷണങ്ങള്‍, കൊറിയോഗ്രാഫി, താളം തുടങ്ങിയ മേഖലകളിലായിരുന്നു പരിശീലനം. പി.വി പുരുഷോത്തമന്‍, കെ.ആര്‍ അശോകന്‍, ഡോ.കെ.പി ഗോപിനാഥന്‍, ഗോവിന്ദന്‍ എടാടത്തില്‍, കെ.പി അബ്ദുല്‍ ഷുക്കൂര്‍ സംസാരിച്ചു.