അമ്പലപ്പുഴ: അമ്പലപ്പുഴ ശ്രീകൃഷ്ണാ സ്വാമി ക്ഷേത്രത്തിലെ വിഗ്രഹത്തില്‍ ചാര്‍ത്തുന്ന തിരുവാഭരണത്തിലെ പതക്കങ്ങള്‍ കാണാതായ സംഭവത്തില്‍ ക്രൈംബ്രാഞ്ച് അന്വേഷണം ആരംഭിച്ചു.
ആലപ്പുഴ ക്രൈംബ്രാഞ്ച് ഡിവൈ.എസ്.പി വിജയകുമാരന്‍നായരുടെ നേതൃത്വത്തിലാണ് ഇന്നലെ അന്വേഷണം ആരംഭിച്ചത്. അമ്പലപ്പുഴ സി.ഐ വിശ്വംഭരന്‍ ഉള്‍പ്പെടെ ആറ് സി.ഐമാര്‍ അടങ്ങുന്ന പതിനൊന്നംഗ സംലമാണ് അന്വേഷണം നടത്തുക. തന്ത്രിമാര്‍, പൂജാരിമാര്‍, ക്ഷേത്രം ജീവനക്കാര്‍ ഉള്‍പ്പെടെയുള്ളവരെ വരുംദിവസങ്ങളില്‍ പ്രത്യേകം പ്രത്യേകമായി ചോദ്യം ചെയ്യുമെന്ന് ഡിവൈ.എസ്.പി വിജയകുമാരന്‍നായര്‍ പറഞ്ഞു.