കണ്ണൂര്‍: നടന്‍ മോഹന്‍ലാലിനെതിരേ സി.പി.ഐ നേതാവ് പന്ന്യന്‍ രവീന്ദ്രന്‍ നടത്തിയ പ്രസ്താവനയ്‌ക്കെതിരേ സി.പി.എം നേതാവ് ഇ.പി ജയരാജന്‍ രംഗത്ത്.
പുലിമുരുകനിലെ പ്രകടനത്തിനു മോഹന്‍ലാലിനു ദേശീയ അവാര്‍ഡ് നല്‍കിയത് എന്തിനാണെന്നു തനിക്കു മനസിലാകുന്നില്ലെന്ന പന്ന്യന്റെ പരാമര്‍ശത്തിനെതിരേയാണു ജയരാജന്‍ ഫേസ്ബുക്കിലൂടെ രംഗത്തെത്തിയത്.
മോഹന്‍ലാല്‍ മലയാളത്തിന്റെ അഭിമാനവും എല്ലാ മലയാളികളുടെയും സ്വകാര്യ അഹങ്കാരവുമാണ്.
അദ്ദേഹത്തിന് ഇത്തവണ ദേശീയ പുരസ്‌കാരം ലഭിച്ചതുമായി ബന്ധപ്പെട്ട് ചില അല്‍പ്പന്‍മാരുടെ പ്രതികരണങ്ങള്‍ കണ്ടപ്പോള്‍ അവരോടു വല്ലാത്ത സഹതാപം തോന്നുകയാണ്.
ഇതു സാംസ്‌കാരിക കേരളം പുച്ഛിച്ച് തള്ളുമെന്നും ഇ.പി ജയരാജന്‍ ഫേസ്ബുക്ക് കുറിപ്പില്‍ വ്യക്തമാക്കി.