കരുനാഗപ്പള്ളി: ഓച്ചിറ വയനകം ഉണ്ടുരുത്തി വയലില്‍ തീ പിടിത്തം. കാലങ്ങളായി തരിശുകിടക്കുന്ന പാടമാണിത്. ഇന്നലെ ഉച്ചകഴിഞ്ഞാണ് വയലില്‍ അഗ്നിബാധയുണ്ടായത്. നാട്ടുകാരുടെ ഇടപെടല്‍ മൂലം സമീപത്തെ വീടുകളിലേക്ക് തീ പടരുന്നത് തടയാന്‍ കഴിഞ്ഞു.
കരുനാഗപ്പള്ളിയില്‍നിന്നെത്തിയ അഗ്‌നിശമന സേനയുടെ വാഹനം പാടത്തിലേക്ക് വഴിയില്ലാത്തതിനാല്‍ എത്തിക്കാന്‍ സാധിച്ചില്ല.
എങ്കിലും അഗ്നിശമന സേനാംഗങ്ങളും നാട്ടുകാരും ചേര്‍ന്ന് ഓലയും തൂപ്പും ഉപയോഗിച്ച് തീയണച്ചു.
മണിക്കൂറുകള്‍ പ്രയത്‌നിച്ചാണ് തീ നിയന്ത്രണ വിധേയമാക്കിയത്. സമീപത്തെ വീടുകളില്‍നിന്ന് ബക്കറ്റുകളില്‍ വെള്ളം എത്തിച്ച് തീയണയ്ക്കാനുള്ള ശ്രമവും നാട്ടുകാര്‍ നടത്തി.