മെൽബൺ: ഓസ്‌ട്രേലിയയില്‍ നിന്നു നാട്ടിലേക്കു പോകാന്‍ ബുദ്ധിമുട്ടുന്നവര്‍ക് ആശ്വാസമായി മെല്‍ബണ്‍ കെ.എം.സി.സിയുടെ ചാര്‍ട്ടേര്‍ഡ് വിമാനം. ഓസ്‌ട്രേലിയയുടെ വിവിധ സംസ്ഥാനങ്ങളില്‍ നിന്ന് ഓഗസ്റ്റ് 9 നു കൊച്ചിയിലേക്ക് പുറപ്പെടും. വന്ദേ ഭാരതും മറ്റു ട്രാവല്‍സുകളുടെ ടിക്കറ്റിനേക്കാളും അഞ്ഞൂറോളം ഡോളറിന്റെ കുറവാണു കെ.എം.സി.സിയുടെ വിമാന സെര്വീസിനുള്ളത്.

 

ഇത് ഓസ്‌ട്രേലിയന്‍ മലയാളികള്‍ക്ക് വലിയ ആശ്വാസമാണ് നല്‍കുന്നത്. ഓസ്‌ട്രേലിയയിലെ പ്രധാന എയര്‍പോര്‍ട്ടുകളായ സിഡ്‌നി, മെല്‍ബണ്‍, ബ്രിസ്‌ബേന്‍, അഡലൈഡ് എന്നീ എയര്‍പോര്‍ട്ടുകളില്‍ നിന്നാണ് മെല്‍ബണ്‍ കെ.എം.സി.സിയുടെ വിമാനം. മികച്ച വിമാന കമ്പനികളില്‍ ഒന്നായ സിങ്കപ്പൂര്‍ എയര്‍ലൈന്‍സിനെയാണ് കെ.എം.സി.സി തെരഞ്ഞെടുത്തത്. പോകാന്‍ ആഗ്രഹമുള്ള യാത്രക്കാര്‍ പെട്ടന്ന് തന്നെ ബുക്ക് ചെയ്യണമെന്ന് കെ.എം.സി.സി ഭാരവാഹികള്‍ അറിയിച്ചു.