കാരാകുര്‍ശ്ശി: കോരമണ്‍കടവിലെ ദാറുത്തഖ്‌വ യതീംഖാനയില്‍ വീണ്ടും വിവാഹ പന്തല്‍  ഉയരുന്നു. നാളെ മൂന്ന് യുവതികള്‍ കൂടി വിവാഹിതരാവും.
കാരക്കുന്ന് വെള്ളോലപ്പടി പരേതനായ മൊയ്തുണ്ണിയുടെ മകള്‍ സാറയെ അരപ്പാറ മനച്ചിത്തൊടി വീട്ടചന്റ  ഹംസയുടെ മകന്‍  റിയാസും, അരിപ്ര അമ്പാളി വീട്ടില്‍  ശൗക്കത്തലി മകള്‍  ഷഹലയെ നരിയംകോട് പുതുക്കുടി വീട്ടില്‍ അബു മകന്‍ അബൂ താഹിറും ആനമൂളി പൂക്കുന്നേല്‍  ഷൗക്കത്തിന്റെ മകള്‍ ഷഹനയെ മണലടി ഇല്ലിക്കല്‍ വീട്ടില്‍ ഹക്കീം മകന്‍ ഷാജഹാനും ജീവിത സഖിയാക്കും.
നാളെ ഒരു മണിക്ക് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിക്കാഹിന് കാര്‍മികത്വം വഹിക്കും.
സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാര്‍, ഇമ്പിച്ചിക്കോയ തങ്ങള്‍ കൊടക്കാട്, സി.പി ബാപ്പു മുസ്‌ലിയാര്‍, എന്‍ ഷംസുദ്ദീന്‍ എം.എല്‍.എ, കെ.സി അബൂബക്കര്‍ ദാരിമി, മുസ്തഫ അശ്‌റഫി കക്കുപ്പടി, ഹബീബ് ഫൈസി കോട്ടോപ്പാടം പങ്കെടുക്കും.