അഹമ്മദാബാദ്: വിഷപ്പാമ്പിനെ പിടികൂടി സോഷ്യല്‍ മീഡിയാ താരമായി ഗുജറാത്തിലെ പ്രതിപക്ഷ നേതാവ്. കോണ്‍ഗ്രസ് നേതാവ് പരേഷ് ധനാനിയാണ് താരം. അദ്ദേഹത്തിന്റെ പാമ്പ് പിടുത്ത വീഡിയോ ആണ് സോഷ്യല്‍മീഡിയയില്‍ വൈറലായിരിക്കുകയാണ്.

ഗാന്ധിനഗറിലെ തന്റെ ഔദ്യോഗിക വസതിക്ക് സമീപത്തു നിന്നാണ് അദ്ദേഹം വിഷപ്പാമ്പിനെ പിടികൂടിയത്.

ജീവനക്കാരന്‍ പകര്‍ത്തിയ വീഡിയോ ധനാനി തന്നെയാണ് വീഡിയോ ഫോസ്ബുക്ക്, ട്വിറ്റര്‍ അക്കൗണ്ടുകളില്‍ പോസ്റ്റ് ചെയ്തത്.
പാമ്പിന്റെ വാലിലാണ് ധനാനി പിടികൂടിയിരിക്കുന്നത്. ഇത് അണലി വിഭാഗത്തില്‍പ്പെട്ട പാമ്പാണെന്നും വഴിതെറ്റി തന്റെ വീട്ടില്‍ എത്തിയതാണെന്നും തനിക്ക് പാമ്പിനെ പിടിക്കാന്‍ അറിയാമെന്നും വീഡിയോയുടെ കൂടെയുള്ള കുറിപ്പില്‍ ധനാനി പറയുന്നു.