കോഴിക്കോട്: ഖാസി നാലകത്ത് മുഹമ്മദ് കോയ ഫൗണ്ടേഷന്റെ ഈ വര്‍ഷത്തെ അവാര്‍ഡ് ടീം തായ് ഗ്രൂപ്പിന്റെ ചെയര്‍മാനും മാനേജിങ് ഡയറക്ടറുമായ പി.സി താഹിറിന് നല്‍കും. അരനൂറ്റാണ്ട് കോഴിക്കോട്ടെ ഖാസി പദത്തിലിരുന്ന നാലകത്ത് മുഹമ്മദ് കോയ ബാഖവിയുടെ നാമധേയത്തിലുള്ള ഖാസി ഫൗണ്ടേഷന്‍, സാമൂഹിക സാംസ്‌കാരിക വിദ്യാഭ്യാസ സേവനമേഖലകളിലെ മികച്ച വ്യക്തിത്വങ്ങള്‍ക്ക് വര്‍ഷംതോറും നല്‍കിവരുന്നതാണ് അവാര്‍ഡ്.

ബിസിനസ് മേഖലയ്ക്ക് പുറമേ സാമൂഹിക സഹായരംഗത്ത് നല്‍കിയ സേവനങ്ങള്‍ പരിഗണിച്ചാണ് താഹിറിനെ തിരഞ്ഞെടുത്തത്. ഓഗസ്റ്റ് ആദ്യവാരം കോഴിക്കോട്ടുനടക്കുന്ന ഖാസി ഫൗണ്ടേഷന്റെ എട്ടാം വാര്‍ഷികാഘോഷചടങ്ങില്‍ അവാര്‍ഡ് കൈമാറും. യോഗത്തില്‍ ഫൗണ്ടേഷന്‍ ചെയര്‍മാന്‍ ഇ.വി ഉസ്മാന്‍ കോയ അധ്യക്ഷനായി. പി.ടി ആസാദ്, കെ.പി ആലിക്കോയ, സി.പി മാമുക്കോയ, കണ്ടിയില്‍ ആലിക്കോയ എന്നിവര്‍ സംസാരിച്ചു.