തളങ്കര: ലോക മലമ്പനി ദിനാചരണത്തിന്റെ ഭാഗമായി ആരോഗ്യവകുപ്പിന്റെ നേതൃത്വത്തില്‍ ജില്ലാതലത്തില്‍ മലമ്പനി ദിനാചരണവും ആരോഗ്യബോധവല്‍ക്കരണപ്രദര്‍ശനവും സംഘടിപ്പിച്ചു. തളങ്കര ദീനാര്‍ ഐക്യവേദിയുടെ സഹകരണത്തോടെ തളങ്കരയില്‍ സംഘടിപ്പിച്ച പരിപാടി കലക്ടര്‍ കെ ജീവന്‍ബാബു ഉദ്ഘാടനം ചെയ്തു. നഗരസഭാധ്യക്ഷ ബീഫാത്തിമ ഇബ്രാഹിം അധ്യക്ഷയായി.
ജില്ലാ മെഡിക്കല്‍ ഓഫിസര്‍ ഡോ. എ.പി ദിനേശ്കുമാര്‍ മുഖ്യ പ്രഭാഷണം നടത്തി. നഗരസഭ കൗണ്‍സലര്‍ അഹമ്മദ് മുജീബ് തളങ്കര, ജില്ലാ മലേറിയ ഓഫിസര്‍ വി സുരേഷന്‍, ഡെപ്യൂട്ടി മാസ് മീഡിയ ഓഫിസര്‍  വിന്‍സന്റ് ജോണ്‍ സംസാരിച്ചു. ഫൈലേറിയ ഇന്‍സ്‌പെക്ടര്‍മാരായ കെ.എന്‍ രഘു, വി.സി ജോണ്‍, എന്‍ അശോകന്‍ തുടങ്ങിയവര്‍ പങ്കെടുത്തു. ഡെപ്യൂട്ടി ഡി.എം.ഒ ഡോ. ഇ മോഹനന്‍, അമീന്‍ ബാങ്കോട് സംസാരിച്ചു.