കോവളം: ബാലസംഘത്തിന്റെ  ആഭിമുഖ്യത്തില്‍ കുട്ടികള്‍ക്കായി തിരുവല്ലത്ത് സംഘടിപ്പിച്ച ഒന്‍പത് ദിവസത്തെ വേനല്‍ത്തുമ്പി ക്യാംപിന്റെ സമാപന സമ്മേളനം   മുകേഷ്  എം.എല്‍.എ ഉദ്ഘാടനം ചെയ്തു. ബാലസംഘം ജില്ലാ പ്രസിഡന്റ് വിഷ്ണു രാജ് അധ്യക്ഷനായി.
സംസ്ഥാന കമ്മിറ്റി അംഗവും ചലചിത്ര സംവിധായകനുമായആദര്‍ശ് ,ശിശുക്ഷേമസമിതി അംഗങ്ങളായ രാധാകൃഷ്ണന്‍ ,ആര്‍.രാജൂ, കരിങ്കടരാജന്‍, ,എം.എം. ഇബ്രാഹിം, നടരാജന്‍ എന്നിവര്‍ സംസാരിച്ചു. ചടങ്ങില്‍ ബാലസംഘം കൂട്ടുകാര്‍ തയ്യാറാക്കിയ 'വേനലില്‍ ഈ സ്‌നേഹത്തുമ്പികള്‍ ' എന്ന സപ്ലിമെന്റ് നടന്‍ മുകേഷ് പി.എസ്.ഹരികുമാറിന് നല്‍കി  പ്രകാശനം ചെയ്തു.നെറ്റ് ബോള്‍ ജേതാവ് കുമാരി ആരതി കൃഷ്ണയെ ഉപഹാരം നല്‍കി ആദരിച്ചു.സംഘാടക സമിതി ചെയര്‍മാന്‍ പി.എസ്. ഹരികുമാര്‍ സ്വാഗതവും, ബാലസംഘം ജില്ലാ സെക്രട്ടറി അജയ് അശോക് നന്ദിയും പറഞ്ഞു.