അഞ്ചല്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ ഓട്ടോ ഡ്രൈവര്‍ അറസ്റ്റില്‍. പെരുങ്ങള്ളൂര്‍ ഷീജ മന്‍സിലില്‍ സഹീര്‍ (27) ആണ് അഞ്ചല്‍ പൊലിസ് അറസ്റ്റു ചെയ്തത്. ആയൂര്‍ ടൗണിലെ ഓട്ടോഡ്രൈവറായ സഹീര്‍ പെണ്‍കുട്ടിയെ പരിചയപ്പെട്ട് പലതവണ പീഡിപ്പിച്ചു എന്നാണ് കേസ്. അഞ്ചല്‍ സി.ഐ ടി. സതികുമാര്‍, അഡീഷനല്‍ എസ്.ഐ അരവിന്ദന്‍, എസ്.സി.പി.ഒമാരായ രാജേന്ദ്രന്‍, സിന്ദുരാജ് എന്നിവരാണ് ഒളിവില്‍ പോയ സഹീറിനെ അറസ്റ്റു ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.