മേപ്പാടി: കോട്ടവയലിലെ സ്വകാര്യ കാപ്പിത്തോട്ടത്തില്‍ കൃഷിടത്തിന് ചുറ്റും കെട്ടിയ വലയില്‍ കുരുങ്ങിയ പെരുമ്പാമ്പിനെ രക്ഷപെടുത്തി.
വാഴകൃഷിക്ക് ചുറ്റും കെട്ടിയ വലയിലാണ് മൂന്ന് മീറ്ററിലേറെ നീളമുള്ള പെരുമ്പാമ്പ് കുടുങ്ങിയത്. നാട്ടുകാര്‍ വനം വകുപ്പില്‍ വിവരം അറിയിച്ചതിനെ തുടര്‍ന്ന് പാമ്പ് പിടുത്തത്തില്‍ വിദഗ്ധനായ മാനു കുന്നംമ്പറ്റ എത്തി പാമ്പിനെ രക്ഷപെടുത്തി വനത്തില്‍ വിട്ടയച്ചു. പാമ്പിനെ കാണാന്‍ നിരവധി പേര്‍ തടിച്ചുകൂടിയിരുന്നു. ജോലിക്ക് എത്തിയ തൊഴിലാളികളാണ് പാമ്പിനെ കണ്ടത്. ഉടന്‍ തന്നെ റെയ്ഞ്ച് ഓഫിസില്‍ വിവരം അറിയിക്കുകയായിരുന്നു. പാമ്പിന്റെ തല ഭാഗമാണ് വലയില്‍ കുരുങ്ങിയത്. വല മുറിച്ചു നീക്കിയാണ് പാമ്പിനെ രക്ഷപെടുത്തിയത്. പാമ്പിനെ പിന്നീട് ഉള്‍വനത്തില്‍ വിട്ടയച്ചു.