കാഞ്ഞങ്ങാട്: ചരിത്ര പ്രസിദ്ധമായ മടിക്കൈ കമ്മാടം മഖാം ഉറൂസ് നാളെ മുതല്‍ മേയ് രണ്ടു വരെ വിവിധ പരിപാടികളോടെ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. നാളെ ഉച്ചയ്ക്ക് ജമാഅത്ത് പ്രസിഡന്റ് എന്‍ജിനിയര്‍ ഷെരീഫ് പതാക ഉയര്‍ത്തും. രാത്രി ഏഴിനു നടക്കുന്ന സമ്മേളനം സമസ്ത പ്രസിഡന്റും കാഞ്ഞങ്ങാട് സംയുക്ത ഖാസിയുമായ ജിഫ്രി മുത്തു കോയ തങ്ങള്‍ ഉദ്ഘാടനം ചെയ്യും. തുടര്‍ന്ന് 'വിജ്ഞാനത്തിന്റെ പ്രസക്തി ഇസ്‌ലാമില്‍' എന്ന വിഷയത്തില്‍ അബ്ദുല്ല അല്‍ കാമിലി മുഖ്യ പ്രഭാഷണം നടത്തും. 29നു രാത്രി ഏഴിനു നടക്കുന്ന മാനവ സൗഹര്‍ദ സദസില്‍ കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി അധ്യക്ഷനാവും. മടിക്കൈ ഗ്രാമപഞ്ചായത്ത് പ്രസിഡന്റ് സി പ്രഭാകരന്‍ ഉദ്ഘാടനം ചെയ്യും. കബീര്‍ ഫൈസി ചെറുകോട് മുഖ്യ പ്രഭാഷണം നടത്തും. തുടര്‍ന്ന് അശ്‌റഫ് റഹ്മാനി കാസര്‍കോട് മുഖ്യ പ്രഭാഷണം നടത്തും. 30നു രാത്രി ഏഴിനു ദഫ് മുട്ട് പ്രദര്‍ശനം നടക്കും. രാത്രി 8.30നു മന്‍സൂര്‍ അലി ഫൈസി കാളമ്പാടി മുഖ്യ പ്രഭാഷണം നടത്തും. മേയ് ഒന്നിനു രാത്രി ഏഴിനു ദഫ് മുട്ട് മത്സരം നടക്കും. പരിപാടിയില്‍ സംയുക്ത ജമാഅത്ത് ട്രഷറര്‍ കുഞ്ഞാമദ് ഹാജി പാലക്കി മുഖ്യാതിഥിയായിരിക്കും. അല്‍ഹാഫിള് കുമ്മനം നിസാമുദ്ധീന്‍ അസ്ഹരി മുഖ്യ പ്രഭാഷണം നടത്തും. മേയ് രണ്ടിന് ഉച്ചയ്ക്ക് മൗലീദ് പാരായണം. തുടര്‍ന്ന് നടക്കുന്ന അന്നദാനത്തോടെ ഉറൂസ് പരിപാടി സമാപിക്കും.
വാര്‍ത്താസമ്മേളനത്തില്‍ ജമാഅത്ത് പ്രസിഡന്റ് ശരീഫ് എന്‍ജിനിയര്‍, അബ്ദുല്‍ സലാം, അബ്ദുല്‍ റൗഫ്, സത്താര്‍, അശ്‌റഫ്, ഇബ്രാഹിം എന്നിവര്‍ സംബന്ധിച്ചു.