ഷൊര്‍ണൂര്‍: മേഖലയില്‍ കുടിവെള്ളക്ഷാമം അതിരൂക്ഷമായിരിക്കേ കുടിവെള്ളം പാഴായിപോകുന്നത് പതിനായിരക്കണക്കിന് ലിറ്റര്‍ ജലം. വാട്ടര്‍ അതോറിറ്റിയുടെ ഷൊര്‍ണൂരും പരിസരപ്രദേശങ്ങളിലുമാണ് കുടിവെള്ളം പാഴായി പോകുന്നത്.
ആഴ്ചയില്‍ ഒരു ദിവസമാണ് വെള്ളം വിതരണം ചെയ്യാന്‍ കഴിയുന്നത്. വിതരണം ചെയ്താല്‍ പൈപ്പ് വെള്ളം പാഴായി പോകുകയും ചെയ്യും. പൊട്ടിയപൈപ്പുകള്‍ മാറ്റി അറ്റകുറ്റപണി നടത്താനുള്ള പ്രവൃത്തി പരിചയമുള്ള ജോലിക്കാര്‍ ഇല്ലാത്തതാണ് മുഖ്യകാരണമെന്ന് ബന്ധപ്പെട്ടവര്‍ തന്നെ ചൂണ്ടികാണിക്കപ്പെടുന്നു.
ഉപഭോക്താക്കള്‍ വെള്ളം ദുരുപയോഗം ചെയ്താല്‍ കണക്ഷന്‍ വിച്ഛേദിക്കുന്ന ശിക്ഷയും പതിനായിരം രൂപ പിഴയും അടക്കണമെന്ന് അതോറിറ്റിയുടെ മുന്നറിയിപ്പ് ഉണ്ടെങ്കിലും അതോറിറ്റിയുടെ ഗുരുതര വീഴ്ച ആരോടു പറയുമെന്നാണ് ഉപഭോക്താക്കളുടെ ചോദ്യം.