ബാലുശ്ശേരി :ബാലുശ്ശേരി ബസ് സ്റ്റാന്‍ഡിന്റെ നവീകരണ പ്രവൃത്തി പുരുഷന്‍ കടലുണ്ടി എം.എല്‍.എ ഉദ്ഘാടനം ചെയ്തു.
പഞ്ചായത്ത് പ്രസിഡന്റ് രൂപലേഖ കൊമ്പിലാട് അധ്യക്ഷയായി. എം.എല്‍.എയുടെ ആസ്തി വികസന ഫണ്ടില്‍ നിന്നും അനുവദിച്ച രണ്ടുകോടി രൂപ ചെലവഴിച്ചാണ് നിര്‍മാണം. നിര്‍മാണ ചുമതല ഏറ്റെടുത്ത ഊരാളുങ്കല്‍ ലേബര്‍ കോണ്‍ട്രാക്ടേഴ്‌സ് സൊസൈറ്റി നാളെ ജോലി ആരംഭിക്കും.
ജില്ലാ പഞ്ചായത്ത് പ്രസിഡന്റ് ബാബു പറശ്ശേരി മുഖ്യാതിഥിയായി. ബ്ലോക്ക് പഞ്ചായത്ത് പ്രസിഡന്റ് വി പ്രതിഭ, പഞ്ചായത്ത് വൈസ് പ്രസിഡന്റ് കെ. ശ്രീജ, ഡി.ബി സബിത, കെ.കെ പരീദ്, ബ്ലോക്ക് പഞ്ചായത്ത് അംഗങ്ങളായ പി.എന്‍ അശോകന്‍, എന്‍.പി ബാബു, റീജ കണ്ടോത്തുകുഴി,ടി.കെ തങ്കമണി,സി.രാജന്‍, കെ.കെ ഗോപിനാഥന്‍, പി.പി രവി, കൊളോറ ശ്രീധരന്‍ നായര്‍, കെ.സി ബഷീര്‍, സി. അശോകന്‍, പി.ആര്‍ രഘൂത്തമന്‍, പി.മോഹനന്‍, പെരിങ്ങിനി മാധവന്‍ സംസരിച്ചു.