താമരശ്ശേരി: കൂടത്തായ് സെന്റ് മേരീസ് ഹൈസ്‌കൂളില്‍ ജില്ലയിലെ സ്റ്റുഡന്റ്‌സ് പൊലിസ് കേഡറ്റുകള്‍ക്കായി കഴിഞ്ഞ നാലു ദിവസങ്ങളിലായി നടത്തിയ 'ജ്വാല 2017' ജില്ലാതല സമ്മര്‍ ക്യാംപ് സമാപിച്ചു. രാവിലെ നടന്ന പാസിംഗ് ഔട്ട് പരേഡില്‍ ജില്ലാ പൊലിസ് മേധാവി എം.കെ പുഷ്‌കരന്‍ സല്യൂട്ട് സ്വീകരിച്ചു. വൈകുന്നേരം നടന്ന സമാപന സമ്മേളനം ഹെഡ്മാസ്റ്റര്‍ ഫാ.ജേക്കബ് ജോണ്‍ ഉദ്ഘാടനം ചെയ്തു.
ഡിവൈ.എസ്.പി അഷ്‌റഫ് അധ്യക്ഷത വഹിച്ചു. കൂടത്തായി സ്‌കൂളിലെ മാളവിക വി.എസിനെ ബെസ്റ്റ് ഓള്‍റൗണ്ടറായി തെരഞ്ഞെടുത്തു. അസി.കമാന്‍ഡര്‍ അശോകന്‍ നായര്‍, സി ഐ അഗസ്റ്റിന്‍, റിട്ട. എ ഡി എന്‍ ഒ രത്‌നാകരന്‍, റിട്ട. എസ് ഐ രാജന്‍, പത്മാവതി പ്രസംഗിച്ചു. സുദര്‍ശനകുമാര്‍ സ്വാഗതവും സി പി ഒ റെജി ജെ.കരോട്ട് നന്ദിയും പറഞ്ഞു.