കൊല്‍ക്കത്ത: സീസണിലെ എട്ടാം മത്സരത്തിനായി ചെന്നൈ സൂപ്പര്‍ കിങ്‌സ് ഇന്നിറങ്ങുന്നു. കളിച്ച ഏഴ് മത്സരങ്ങളില്‍ ആറിലും ജയം സ്വന്തമാക്കി കുതിപ്പ് തുടരുന്ന ചെന്നൈക്ക് ഇന്ന് ആത്മവിശ്വാസത്തോടെ കളിക്കാം. പട്ടികയില്‍ രണ്ടാം സ്ഥാനത്തുള്ള കൊല്‍ക്കത്തയാണ് ചെന്നൈയുടെ എതിരാളികള്‍. രാജസ്ഥാനുമായുള്ള അവസാന മത്സരത്തില്‍ പരാജയത്തിലേക്ക് നീങ്ങിയിരുന്നെങ്കിലും ധോണിയുടെ സമയോചിത ഇടപെടലായിരുന്നു ചെന്നൈക്ക് ജയം സമ്മാനിച്ചത്. അഞ്ചാം വിക്കറ്റില്‍ പുലിയാകുന്ന ധോണി തന്റെ ബാറ്റിങ് കരുത്തിലായിരുന്നു അവസാന മത്സരത്തില്‍ ടീമിനെ വിജയതീരത്തണച്ചത്. അവസാന രണ്ട് മത്സരത്തിലും തോല്‍വി പിണഞ്ഞ കൊല്‍ക്കത്തക്ക് ഇന്ന് ജയം അനിവാര്യമാണ്.ആന്ദ്രെ റസലിലാണ് ടീമിന്റെ പ്രതീക്ഷ. ആന്ദ്രെ റസലിന് പരുക്കേറ്റത് കൊല്‍ക്കത്തന്‍ ക്യാംപിന് തിരിച്ചടിയാണ്.