കോട്ടക്കല്‍: പഞ്ചായത്ത് അധികൃതര്‍ സ്ഥാപിച്ച മുന്നറിയിപ്പ് ബോര്‍ഡുകള്‍ നോക്കുകുത്തി. പറപ്പൂര്‍ പഞ്ചായത്തിലെ വിവിധയിടങ്ങളിലാണ് മാലിന്യം നിക്ഷേപിക്കരുതെന്ന മുന്നറിയിപ്പ് ബോഡിനു സമീപംതന്നെ മാലിന്യങ്ങള്‍ കൊണ്ടുവന്നു തള്ളുന്നത്.
നേരത്തെ ഗ്രാമപഞ്ചായത്തിലെ മുഴുവന്‍ മാലിന്യങ്ങളും അധികൃതര്‍ വീടുകളില്‍നിന്ന് ശേഖരിച്ചിരുന്നു. ഇതിനു ശേഷമാണ് പഞ്ചായത്തിലെ പ്രധാന കവലകളിലെല്ലാം മാലിന്യങ്ങള്‍ നിക്ഷേപിക്കരുതെന്ന മുന്നറിയിപ്പ് ബോര്‍ഡുകള്‍ സ്ഥാപിച്ചത്. ഇത് ലംഘിക്കുന്നവര്‍ക്കെതിരേ കര്‍ശന നടപടി സ്വീകരിക്കുമെന്ന് മുന്നറിയിപ്പുണ്ടെങ്കിലും ഇവരെ പിടികൂടാന്‍ പറ്റാത്ത സ്ഥിതിയാണ്.