ദിസ്പുര്‍: ഫിന്‍ലന്‍ഡില്‍ നടന്ന ലോക അത്‌ലറ്റിക് ചാംപ്യന്‍ഷിപ്പില്‍ സ്വര്‍ണം നേടിയ ഹിമാ ദാസ് ഇനി അസമിന്റെ സ്‌പോര്‍ട്‌സ് അംബാസഡര്‍. മെഡല്‍ നേടിയതോടെ അനുമോദന പ്രവാഹവുമായി ഹിമയുടെ കൂടെ നില്‍ക്കുകയാണ് ജന്മനാടായ അസം. താരത്തെ അസമിന്റെ സ്‌പോര്‍ട്‌സ് അംബാസഡറായി പ്രഖ്യാപിച്ച ആസം മുഖ്യമന്ത്രി സര്‍ബാനന്ദ സോനോവാല്‍ 50 ലക്ഷത്തിന്റെ പാരിതോഷികവും പ്രഖ്യാപിച്ചു. കഴിഞ്ഞ ദിവസം ഐ.എ.എ.എഫ് ലോക അണ്ടണ്ടര്‍ 20 അത്‌ലറ്റിക്‌സ് ചാംപ്യന്‍ഷിപ്പിലെ 400 മീറ്റര്‍ ഫൈനലില്‍ സ്വര്‍ണം നേടി ഹിമ ചരിത്രം സൃഷ്ടിച്ചിരുന്നു. ഇന്ത്യയ്ക്കായി അന്താരാഷ്ട്ര തലത്തില്‍ ട്രാക്ക് ഇവന്റില്‍ സ്വര്‍ണം നേടുന്ന ആദ്യ അത്‌ലറ്റ് എന്ന ബഹുമതി കൂടിയാണ് താരം സ്വന്തമാക്കിയത്.

2020 ടോക്കിയോ ഒളിംപിക്‌സ് വരെ താരത്തിന്റെ തയാറെടുപ്പുകള്‍ മുഴുവന്‍ ഇന്ത്യന്‍ സര്‍ക്കാര്‍ ഏറ്റെടുക്കുമെന്നും പ്രഖ്യാപിച്ചിട്ടുണ്ടണ്ട്. സര്‍ക്കാരിന്റെ ടാര്‍ഗെറ്റ് ഒളിംപിക് പോഡിയം സ്‌കീം പദ്ധതി പ്രകാരമായിരിക്കും ഹിമയുടെ ചെലവുകള്‍ സര്‍ക്കാര്‍ വഹിക്കുക.