തിരുവനന്തപുരം: ജി.എസ്.ടിയുടെ മൂന്നാം വാര്‍ഷികം ആചരിക്കുമ്പോള്‍ കേന്ദ്രസര്‍ക്കാര്‍ വലിയ വിശ്വാസവഞ്ചനയാണ് സംസ്ഥാനങ്ങളോട് നടത്തിയിരിക്കുന്നതെന്ന് ധനമന്ത്രി ഡോ.ടി.എം തോമസ് ഐസക്. മാര്‍ച്ച് വരെയുള്ള നികുതി കുടിശ്ശികയാണ് സംസ്ഥാനങ്ങള്‍ക്ക് അനുവദിച്ചിട്ടുള്ളത്. കഴിഞ്ഞ വര്‍ഷം 8,111 കോടി രൂപ കേരളത്തിന് നഷ്ടപരിഹാരം കിട്ടി. ഇപ്പോള്‍ ആദ്യത്തെ നാലു മാസംകൊണ്ട് നഷ്ടപരിഹാരത്തുക 6,000 കോടി രൂപയായി ഉയര്‍ന്നിരിക്കുകയാണെന്നും ധനമന്ത്രി പറഞ്ഞു.

നഷ്ടപരിഹാരം വൈകുന്നതു സംബന്ധിച്ച് കഴിഞ്ഞ ജി.എസ്.ടി കൗണ്‍സിലില്‍ രൂക്ഷമായ വിവാദം നടന്നിരുന്നു. എല്ലാ സംസ്ഥാനങ്ങളോടും പ്രതിവിധി എഴുതിത്തരാന്‍ കേന്ദ്ര ധനമന്ത്രി ആവശ്യപ്പെട്ടിരുന്നു. സംസ്ഥാനങ്ങളുടെ ആവശ്യങ്ങളോട് കേന്ദ്രം പ്രതികരിക്കുന്നതെന്നും മന്ത്രി കുറ്റപ്പെടുത്തി.