കൊല്ലം: കശുവണ്ടി വ്യവസായ മേഖലയിലെ മാറ്റത്തിന്റെ തുടര്‍ച്ച വിളംബരം ചെയ്തുകൊണ്ട് കാപെക്‌സിന്റെ ഫാക്ടറികളില്‍ 519 പുതിയ തൊഴിലാളികള്‍ക്ക് നിയമനം.  പുതിയ തൊഴിലാളികളെ പൂക്കൂടകള്‍ നല്‍കി സ്വീകരിച്ചു. ചെയര്‍മാന്‍ കൊല്ലായില്‍ സുദേവന്‍ പെരുമ്പുഴ ഫാക്ടറിയില്‍ തൊഴിലാളികളെ സ്വീകരിച്ചു.
കാപെക്‌സിന്റെ 10 ഫാക്ടറികളിലെ ഷെല്ലിങ് വിഭാഗത്തിലാണ്  തൊഴിലാളികള്‍ക്ക് നിയമനം ലഭിച്ചത്. പീലിങ്,  ഗ്രേഡിങ് വിഭാഗങ്ങളിലും പുതിയ തൊഴിലവസരങ്ങള്‍ സൃഷ്ടിക്കുമെന്ന്  ചെയര്‍മാന്‍ അറിയിച്ചു. 2006 - 2011 ല്‍ 6500 തൊഴിലാളികള്‍  കാപെക്‌സില്‍ പണിയെടുത്തിരുന്നു. എന്നാല്‍ കഴിഞ്ഞ അഞ്ചു വര്‍ഷക്കാലം കൊണ്ട് തൊഴിലാളികളുടെ എണ്ണം 3400 ആയി ചുരുങ്ങി. ഈ സാഹചര്യത്തില്‍ നിന്നും മികച്ച തൊഴില്‍ ദാതാവായി കാപെക്‌സിനെ മാറ്റും  അദ്ദേഹം പറഞ്ഞു.