ചേര്‍ത്തല: ബഡ്‌സ് സ്‌കൂളുകള്‍ക്ക് എയ്ഡഡ് പദവിയും ജീവനക്കാര്‍ക്ക് അര്‍ഹമായ വേതനവും ലഭ്യമാക്കണമെന്ന് ബഡ്‌സ് സ്‌പെഷ്യല്‍ സ്‌കൂള്‍ എംപ്ലോയിസ് അസോസിയേഷന്‍ സംസ്ഥാന പ്രസിഡന്റ് സി റഫീക്കും ജനറല്‍ സെക്രട്ടറി സ്വപ്ന സുദര്‍ശും സര്‍ക്കാരിനോട് ആവശ്യപ്പെട്ടു. 

പഞ്ചായത്തുകളുടെയും നഗരസഭകളുടെയും മേല്‍നോട്ടത്തില്‍ പ്രവര്‍ത്തിക്കുന്ന ഇത്തരം സ്‌കൂളുകളിലെ ജീവനക്കാര്‍ക്ക് പരിമിതമായ വേതനമാണ് ലഭിക്കുന്നത്.
പ്ലാന്‍ ഫണ്ടില്‍പ്പെടുത്തി നല്‍കുന്ന തുക പലയിടങ്ങളിലും യഥാസമയം ലഭിക്കാറില്ല. പാവപ്പെട്ട കുടുംബങ്ങളിലെ കുട്ടികള്‍ പഠിക്കുന്ന സ്‌കൂളുകള്‍ക്ക് സര്‍ക്കാര്‍ പ്രത്യേക പരിഗണന നല്‍കണമെന്നും ഭാരവാഹികള്‍ ആവശ്യപ്പെട്ടു.