കാര്‍ക്കള (കര്‍ണ്ണാടക): കാര്‍ക്കളയില്‍ യുവതി ദുരൂഹ സാഹചര്യത്തില്‍ തൂങ്ങിമരിച്ച നിലയില്‍ കണ്ടെത്തിയ സംഭവത്തില്‍ ശ്രീരാമസേനാ നേതാവും രണ്ടു സ്ത്രീകളും അറസ്റ്റിലായി. ശ്രീരാമസേനാ നേതാവ് മൂഢബിദ്രിയിലെ റോഷന്‍ കൊട്ടിയന്‍, മരിച്ച യുവതിയുടെ ബന്ധുക്കളായ ഭാരതി, ശോഭ എന്നിവരെയാണ് പൊലിസ് അറസ്റ്റു ചെയ്തത്.
മൂഢബിദ്രി കോട്ടെബാഗിലുവിലെ സഞ്ജീവ സുവര്‍ണയുടെ മകള്‍ സുരേഖ (28) തൂങ്ങിമരിക്കാനിടയായ സംഭവത്തിലാണ് ഇവര്‍ പിടിയിലായത്.
25നാണ് സുരേഖയെ തൂങ്ങിമരിച്ച നിലയില്‍ കണ്ടെത്തിയത്. ഭര്‍തൃ വീട്ടില്‍ നേരത്തെയുണ്ടായ പ്രശ്‌നത്തിന്റെ പേരില്‍ റോഷന്‍ ഭീഷണിപ്പെടുത്തിയിരുന്നതായി സുരേഖയുടെ ആത്മഹത്യാ കുറിപ്പില്‍ വ്യക്തമാക്കിയിരുന്നു.
ഇതേ തുടര്‍ന്നാണ് ഇവരെ പൊലിസ് അറസ്റ്റു ചെയ്തത്.