കാസര്‍കോട്: മദ്യപിച്ചു ലോറി ഓടിക്കുകയായിരുന്ന യുവാവിനെ കസ്റ്റഡിയിലെടുക്കുന്നതിനിടയില്‍ പൊലിസിന്റെ ഫ്‌ളെയിങ് സ്‌ക്വാഡിനെ തടഞ്ഞ സംഭവത്തില്‍ അഞ്ചുപേര്‍ അറസ്റ്റില്‍.
കഴിഞ്ഞ ദിവസം വൈകുന്നേരം ബെദ്രടുക്കയിലാണു സംഭവം. ഷിരിബാഗിലു സ്വദേശികളായ പി ഉദയന്‍(33), എന്‍ മിഥുന്‍(24), ജയറാമ (33), ബെദ്രടുക്കയിലെ രഞ്ജികൃഷ്ണ (34), സുനില്‍ (23) എന്നിവരാണ് പൊലിസ് പിടിയിലായത്.
മജലിലെ അരുണ്‍കുമാറി(27)നെ കസ്റ്റഡിയിലെടുക്കുന്നതിനിടെയാണ് ഇവര്‍ പൊലിസിനെ തടഞ്ഞത്.
വിവരമറിഞ്ഞു കാസര്‍കോട് ടൗണ്‍ എസ്.ഐ കെ അജിത് കുമാറിന്റെ നേതൃത്വത്തില്‍ കൂടുതല്‍ പൊലിസുകാരെത്തിയാണ് പ്രതികളെ കസ്റ്റഡിയിലെടുത്തത്. പൊലിസിന്റെ കൃത്യനിര്‍വഹണം തടസപ്പെടുത്തിയതിനാണ് ഇവര്‍ക്കെതിരേ കേസ് രജിസ്റ്റര്‍ ചെയ്തിരിക്കുന്നത്. പ്രതികളെ ജാമ്യത്തില്‍ വിട്ടു.