എടവണ്ണപ്പാറ: എടശ്ശേരിക്കടവ് പാലത്തില്‍നിന്നും ചാലിയാര്‍ പുഴയിലേക്ക് ചാടിയ ചീക്കോട് വെട്ടുപാറ ചോലയില്‍ പുറായി സാമിക്കുട്ടിയുടെ മകന്‍ അരുണിനെ(23) കാണാതായിട്ട് ഒന്‍പത് ദിവസം പിന്നിടുന്നു.
കഴിഞ്ഞ എട്ടിന് രാത്രി 11ഓടെയാണ് സുഹൃത്തുക്കളോടൊപ്പം നില്‍ക്കവേ അരുണ്‍ പുഴയിലേക്ക് ചാടിയത്. മഴ ശക്തമാവുകയും ചാലിയാര്‍ കരകവിഞ്ഞ് ഒഴുകുകയും ചെയ്തതോടെ തെരച്ചില്‍ നടത്താന്‍ പ്രയാസപ്പെട്ടുവെങ്കിലും അഗ്‌നിശമന സേനയും പൊലിസും അപകടം നടന്നത് മുതല്‍ ഏതാനും ദിവസങ്ങള്‍ ചാലിയാറില്‍ തെരച്ചില്‍ നടത്തിയെങ്കിലും അരുണിനെ കണ്ടെത്താനായില്ല.