മലപ്പുറം: ഈജിപ്തിലെ കെയ്‌റോ ആസ്ഥാനമായി പ്രവര്‍ത്തിക്കുന്ന ഇസ്‌ലാമിക് യൂനിവേഴ്‌സിറ്റീസ് ലീഗിന്റെ വാര്‍ഷിക ജനറല്‍ അസംബ്ലി നാളെ മുതല്‍ മക്കയിലെ മുസ്‌ലിം വേള്‍ഡ് ലീഗിന്റെ ആസ്ഥാനത്ത് വച്ച് നടക്കും. വിവിധ രാജ്യങ്ങളില്‍ നിന്നുള്ള ഇരുനൂറോളം ഇസ്‌ലാമിക് കലാശാലകളുടെ പ്രതിനിധികളാണ് അസംബ്ലിയില്‍ പങ്കെടുക്കുക.
കേരളത്തില്‍ നിന്ന് ദാറുല്‍ഹുദാ ഇസ്‌ലാമിക് സര്‍വകലാശാലയുടെ വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വിയും സി.ഐ.സി കോ ഓഡിനേറ്റര്‍ അബ്ദുല്‍ ഹക്കീം ഫൈസി ആദൃശ്ശേരിയും ജനറല്‍ അസംബ്ലിയില്‍ സംബന്ധിക്കും.
ദാറുല്‍ഹുദാ 2009 മുതല്‍ ഇസ്‌ലാമിക് യൂനിവേഴ്‌സിറ്റീസ് ലീഗില്‍ അംഗമാണ്. 2016 ല്‍ കോ ഓഡിനേഷന്‍ ഓഫ് ഇസ്‌ലാമിക് കോളജസി (സി.ഐ.സി)നും അംഗത്വം ലഭിച്ചു.