തിരൂരങ്ങാടി: ദാറുല്‍ഹുദ ഇസ്‌ലാമിക് സര്‍വകലാശാലയുടെ പൂര്‍വ വിദ്യാര്‍ഥി സംഘടന ഹുദവീസ് അസോസിയേഷന്‍ ഫോര്‍ ഡിവോട്ടഡ് ഇസ്‌ലാമിക് ആക്ടിവിറ്റീസി (ഹാദിയ)നു പുതിയ ഭാരവാഹികള്‍. വാഴ്‌സിറ്റി ഓഡിറ്റോറിയത്തില്‍ നടന്ന വാര്‍ഷിക ജനറല്‍ ബോഡി യോഗത്തിലാണ് 2019 -21 വര്‍ഷത്തേക്കുള്ള പ്രവര്‍ത്തക സമിതി ഭാരവാഹികളെ തെരഞ്ഞെടുത്തത്. 51 കൗണ്‍സിലര്‍മാരും 83 എക്‌സിക്യൂട്ടീവ് മെംബര്‍മാരും അടങ്ങിയതാണ് പ്രവര്‍ത്തക സമിതി.
വി.സി ഡോ. ബഹാഉദ്ദീന്‍ മുഹമ്മദ് നദ്‌വി യോഗം ഉദ്ഘാടനം ചെയ്തു. സയ്യിദ് ഫൈസല്‍ ഹുദവി തളിപ്പറമ്പ് അധ്യക്ഷനായി. കെ.സി മുഹമ്മദ് ബാഖവി, ഇസ്ഹാഖ് ബാഖവി ചെമ്മാട്, യു. ശാഫി ഹാജി ചെമ്മാട്, ഡോ. യു.വി.കെ മുഹമ്മദ്, സി. യൂസുഫ് ഫൈസി മേല്‍മുറി തുടങ്ങിയവര്‍ സംബന്ധിച്ചു. ശരീഫ് ഹുദവി ചെമ്മാട് സ്വാഗതവും ഇ.കെ റഫീഖ് ഹുദവി കാട്ടുമുണ്ട നന്ദിയും പറഞ്ഞു.
ഭാരവാഹികളായി സയ്യിദ് ഫൈസല്‍ ഹുദവി തളിപ്പറമ്പ് (പ്രസിഡന്റ്), സി.എച്ച് ശരീഫ് ഹുദവി പുതുപ്പറമ്പ്, സയ്യിദ് ശാഹുല്‍ഹമീദ് ഹുദവി കാവനൂര്‍, സയ്യിദ് മുബശിര്‍ തങ്ങള്‍ ഹുദവി കരുവന്‍തിരുത്തി (വൈസ് പ്രസിഡന്റുമാര്‍), പി.കെ ശരീഫ് ഹുദവി ചെമ്മാട്(ജന. സെക്രട്ടറി), ഇ.കെ റഫീഖ് ഹുദവി കാട്ടുമുണ്ട (വര്‍ക്കിങ് സെക്രട്ടറി), ജോ. സെക്രട്ടറിമാരായി ഡോ. ശരീഫ് ഹുദവി ആനക്കര (സംഘാടനം), ജാബിര്‍ ഹുദവി തൃക്കരിപ്പൂര്‍ (പ്രോഗ്രാം), അംജദ് ഹുദവി (ഓഫിസ്, ഫൈനാന്‍സ്). മുനീര്‍ ഹുദവി വിളയില്‍ (ട്രഷറര്‍) എന്നിവരെ തെരഞ്ഞെടുത്തു.