കൊച്ചി: ഏപ്രില്‍ 20 മുതല്‍ മെയ് ഒന്നുവരെ മഹാരാഷ്ട്രയിലെ കോലാപ്പൂരില്‍ നടക്കുന്ന പെണ്‍കുട്ടികളുടെ ദേശീയ ജൂനിയര്‍ ഫുട്‌ബോള്‍ ചാംപ്യന്‍ഷിപ്പിനുള്ള 20 അംഗ കേരള ടീമിനെ കേരള ഫുട്‌ബോള്‍ അസോസിയേഷന്‍ (കെ.എഫ്.എ) പ്രഖ്യാപിച്ചു. എറണാകുളം അംബേദ്കര്‍ സ്‌റ്റേഡിയത്തില്‍ നടന്ന സംസ്ഥാന ക്യാംപില്‍ നിന്നാണ് ടീമിനെ തെരഞ്ഞെടുത്തത്. കാസര്‍ക്കോട് നിന്നുള്ള പ്രതിരോധ താരം ആര്യശ്രീയാണ് ടീമിനെ നയിക്കുന്നത്. മറ്റു ടീമംഗങ്ങള്‍: ഗോള്‍കീപ്പര്‍മാര്‍ ആരതി.വി (കോഴിക്കോട്), എസ്. ജിജിന വേണു (കാസര്‍ക്കോട്), കൃഷ്ണ. എസ് (വയനാട്). പ്രതിരോധം: അനാമിക.ഡി, വിസ്മയ രാജ്. പി, തീര്‍ഥ ലക്ഷ്മി പി (കോഴിക്കോട്), സാന്ദ്ര. കെ (കണ്ണൂര്‍), ഭാനുപ്രിയ എം.ബി, ജൈത്ര ബി.ആര്‍ (തിരുവനന്തപുരം).
മധ്യനിര: അഞ്ജിത.എം, മാളവിക.പി (കാസര്‍ക്കോട്), നന്ദന്‍ കൃഷ്ണന്‍, സജിത കെ.എസ് (തിരുവനന്തപുരം), ആര്യ.വി (കോഴിക്കോട്). മുന്നേറ്റം: പ്രിസ്റ്റി സി.എ, മേഘ്‌ന, ശ്രീലക്ഷ്മി. എ (കോഴിക്കോട്), കൃഷ്‌ണേന്ദു ഒ.പി, സോണിയ ജോസ് (കണ്ണൂര്‍). അന്‍വര്‍ സാദത്ത് (മലപ്പുറം) ആണ് ടീമിന്റെ മുഖ്യപരിശീലകന്‍. രേഖ.എസ് ടീം മാനേജറും ജീന സൂസന്‍ ഫിലിപ്പ് ടീം ഫിസിയോയുമായിരിക്കും.