ചെന്നൈ: തമിഴ്‌നാട്ടില്‍ ടി.ടി.വി ദിനകരന്റെ അനുയായിയില്‍ നിന്ന് 1.48 കോടി രൂപ പിടിച്ചെടുത്തു. കണക്കിപ്പെടാത്ത തുകയാണ് പിടിച്ചെടുത്തത്. തേനി ലോക്‌സഭാ മണ്ഡലത്തിലാണ് റെയ്ഡുണ്ടായത്.

നാളെയാണ് ഇവിടെ തെരഞ്ഞെടുപ്പ് നടക്കുന്നത്. 94 ചെറിയ പാക്കറ്റുകളിലായാണ് പണം സൂക്ഷിച്ചിരുന്നത്.

ഒരു വോട്ടര്‍ക്ക് 300 രൂപ എന്ന് പാക്കറ്റില്‍ രേഖപ്പെടുത്തിയതായി ആദായ നികുതി വകുപ്പ് ഉദ്യോഗസ്ഥര്‍ പറഞ്ഞു.

ഇന്നലെ അര്‍ധരാത്രിയോടെയാണ് റെയ്ഡ് ആരംഭിച്ചത്. പുലര്‍ച്ചെ അഞ്ചര വരെ റെയ്ഡ് നീണ്ടു.