കോട്ടയം : കഞ്ചാവ് കേസില്‍ പിടിയിലായി പൊലിസിന്റെ കണ്ണ് വെട്ടിച്ച് വിലങ്ങുമായി ജീപ്പില്‍ നിന്നു രക്ഷപ്പെട്ട പ്രതിയെ ഒളിവില്‍ കഴിയാന്‍ സഹായിച്ച ബന്ധു പിടിയില്‍. തിരുവാര്‍പ്പ് സ്വദേശി ടി.കെ രജീഷിനെ ഒളിവില്‍ കഴിയാന്‍ സഹായിച്ച കേസിലാണ് മാതൃസഹോദരന്‍ തിരുവാര്‍പ്പ് പറമ്പൂക്കര കോളനിയില്‍ വടുകപറമ്പില്‍ വീട്ടില്‍ രാജപ്പനെ (52) ജില്ലാ പൊലിസ് മേധാവിയുടെ ആന്റി സ്‌ക്വാഡ് പിടികൂടിയത്. അന്വേഷണ സംഘത്തില്‍ കുമരകം സ്റ്റേഷന്‍ ഹൗസ് ഓഫിസര്‍ സി.ഐ ടി.എസ് ശിവകുമാര്‍, കുമരകം എസ്.ഐ വി.ടി ഷിബു, ആന്റി ഗുണ്ടാ സ്‌ക്വാഡ് അംഗങ്ങളായ എസ്.ഐ ടി.എസ് റെനീഷ്, എ.എസ്.ഐമാരായ വി.എസ് ഷിബുക്കുട്ടന്‍, എസ്.അജിത്, ഐ.സജികുമാര്‍, സീനിയര്‍ സിവില്‍ പൊലിസ് ഓഫിസര്‍മാരായ പി.എന്‍ മനോജ്, ബിജു പി.നായര്‍, സജമോന്‍ ഫിലിപ്പ്, കുമരകം സ്റ്റേഷനിലെ പി.ആര്‍ഒ എസ്.എസ്.ഐ കെ.കെ ഉല്ലാസ്, സി.പി.ഒമാരായ പ്രദീപ് സി.ടി, മഹേഷ്, സൈബര്‍ സെല്ലിലെ സിപിഒ ശ്രാവണ്‍ രമേശ് എന്നിവരും ഉണ്ടായിരുന്നു.