മെയ് ഒന്നിന്ന് അര്‍ധരാത്രി മുതല്‍ അനിശ്ചിതകാല പണിമുടക്ക് ആരംഭിക്കും
തേഞ്ഞിപ്പലം: വിവിധ ആവശ്യങ്ങളുന്നയിച്ച് കേരളത്തിലെ ഏഴ് പാചക വാതക ഫില്ലിങ് പ്ലാന്റുകളിലെയും എല്‍.പി.ജി ട്രക്ക് തൊഴിലാളികള്‍ രണ്ട് മുതല്‍ അനിശ്ചിതകാല പണിമുടക്കില്‍. പണിമുടക്ക് ഒഴിവാക്കാനായി ലേബര്‍ കമ്മീഷണര്‍ തിരുവനന്തപുരത്ത് വിളിച്ച് ചേര്‍ത്ത സംഘടനാ പ്രതിനിധികളുമായുള്ള ചര്‍ച്ച പരാജയപ്പെട്ടതിനെതുടര്‍ന്ന് പണിമുടക്ക് തീരുമാനത്തില്‍ ഉറച്ചുനില്‍ക്കുവാന്‍ സംഘടനകള്‍ തീരുമാനിച്ചു.
മെയ് ഒന്നിന്ന് അര്‍ധരാത്രി മുതല്‍ അനിശ്ചിതകാല പണിമുടക്ക് ആരംഭിക്കും.ഇത് സംബന്ധിച്ച് അധികൃതര്‍ക്ക്  നോട്ടിസ് നല്‍കി. സി.ഐ.ടി.യു, ബി.എം.എസ്, ഐ.എന്‍.ടി.യു.സി, എ.ഐ.ടി.യു.സി എന്നീ സംഘടനകളില്‍പ്പെട്ടവരാണ് സമരത്തിനാഹ്വാനം ചെയ്തിട്ടുള്ളത്.  ലേബര്‍ കമ്മീഷണര്‍ വിളിച്ച് ചേര്‍ത്തചര്‍ച്ചയില്‍ എം.ഇബ്രാഹിംകുട്ടി, കെ.ഗോവിന്ദന്‍ കുട്ടി, പ്രേമരാജന്‍  (സി.ഐ.ടി.യു), സി.കെ ഹരിദാസന്‍ (ഐ.എന്‍.ടി.യു.സി.), അശോകന്‍ (ബി.എംഎസ്), ലോറി ഉടമ പ്രതിനിധികള്‍ എന്നിവര്‍ പങ്കെടുത്തു.