വൈപ്പിന്‍ : വധശ്രമകേസിലെ പ്രതികളായ മൂന്നംഗ സംഘത്തെ ഞാറക്കല്‍ പൊലിസ് അറസ്റ്റ് ചെയ്തു. നായരമ്പലം സ്വദേശികളായ എം.എയ്റ്റി കുട്ടന്‍ എന്ന് വിളിക്കുന്ന കൂത്തോളില്‍ രതീഷ്(36), മെന്റല്‍ അരുണ്‍ എന്ന് വിളിക്കുന്ന പള്ളത്തുപടി അരുണ്‍കുമാര്‍(26), പുളിക്കല്‍ ബിനീഷ്(28) എന്നിവരാണ് അറസ്റ്റിലായത്.
കഴിഞ്ഞ 13ന് നായരമ്പലത്ത് വെച്ച് നെടുങ്ങാട് കാപ്പന്‍ചിറ സുരേഷിന്റെ മകന്‍ സുബിത്തിനെ മൂന്നംഗസംഘം ഗ്രാനെറ്റ് ഉപയോഗിച്ച് തലക്കടിച്ച് വധിക്കാന്‍ ശ്രമിച്ചെന്നാണ് കേസ്. മുന്‍ വൈരാഗ്യമാണത്രേ കാരണം.
തലക്ക് പരിക്കേറ്റ സുബിന്‍ എറണാകുളത്തെ സ്വകാര്യ ആശുപത്രിയില്‍ ചികിത്സയിലാണ്. ഞാറക്കല്‍ സി.ഐ സജിന്‍ ശശിയുടെ നേതൃത്വത്തില്‍ എസ്.ഐ സംഗീത് ജോബ്, സീനിയര്‍ സി.പി.ഓ റെനില്‍ , സി.പി.ഓമാരായ എഡ്വിന്‍, സുനീഷ് ലാല്‍, മനോജ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
ഞാറക്കല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.