എരമല്ലൂര്‍: കുമ്പളങ്ങി പാലം വഴി എറണാകുളം, ചേര്‍ത്തല എന്നിസ്ഥലങ്ങളിലേക്ക് സര്‍വീസ് നടത്തിയിരുന്ന മുഴുവന്‍ കെ.എസ്.ആര്‍.ടി.സി ബസ് സര്‍വീസുകളും പുനരാരംഭിക്കുമെന്ന് ഗതാഗത വകുപ്പ് മന്ത്രി തോമസ് ചാണ്ടി പറഞ്ഞു.
ബസ് സര്‍വീസുകള്‍ പുനരാരംഭിക്കണമെന്നാവശ്യപ്പെട്ട് എന്‍.സി.പി അരൂര്‍ നിയോജക മണ്ഡലം കമ്മിറ്റി പ്രസിഡന്റ് ആസഫ് ആലി, എന്‍.സി.പി ജില്ലാ കമ്മിറ്റി അംഗം സത്യനാഥ് ചങ്ങരം, ബസ് പാസഞ്ചേഴ്‌സ് അസോസിയേഷന്‍ പ്രസിഡന്റ് അനില്‍ കുഴിവേലി, സെക്രട്ടറി റെജി റാഫേല്‍ എന്നിവര്‍ ചേര്‍ന്നു മന്ത്രിക്കു നിവേദനം നല്‍കിയതിനെ തുടര്‍ന്നാണു നടപടി സ്വീകരിച്ചത്.