കോഴിക്കോട്: ഇന്നലെ കരിപ്പൂരിലുണ്ടായ വിമാനാപകടത്തില്‍ മരണപ്പെട്ടവരുടെ പേരില്‍ സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ അനുശോചനം രേഖപ്പെടുത്തി. 

അപകടത്തെത്തുടര്‍ന്ന് മരണപ്പെട്ടവരുടെ കുടുംബത്തെ തങ്ങള്‍ അനുശോചനമറിയിക്കുകയും കുടുംബത്തിന് ശാന്തിയും സമാധാനവുമുണ്ടാവട്ടെയെന്ന് പ്രാര്‍ഥിക്കുകയും ചെയ്തു. അപകടത്തില്‍ പെട്ടവരെ രക്ഷപ്പെടുത്തുന്നതിന് അഭിനന്ദനാര്‍ഹം വിധം മുന്നില്‍ നിന്ന് പ്രവര്‍ത്തിച്ച നാട്ടുകാര്‍, പൊലിസ്, അഗ്‌നിശമന വിഭാഗങ്ങള്‍, ആരോഗ്യ പ്രവര്‍ത്തകര്‍, സന്നദ്ധ പ്രവര്‍ത്തകര്‍, പ്രസ്ഥാന ബന്ധുക്കള്‍ തുടങ്ങിയവരുടെ സേവനങ്ങള്‍ മഹത്വരമാണെന്ന് തങ്ങള്‍ അനുസ്മരിച്ചു. ഇത്തരം അപകടങ്ങളില്‍ നിന്ന് എല്ലാവരെയും അല്ലാഹു കാത്ത് രക്ഷിക്കട്ടെയെന്നും തങ്ങള്‍ പ്രാര്‍ഥിച്ചു.