പെരിന്തല്‍മണ്ണ: കൊറോണ, പ്രളയം, വിമാനാപകടം തുടങ്ങി പലവിധ പ്രയാസങ്ങളിലൂടെ നാം കടന്നു പോകുമ്പോള്‍ വിശ്വാസികളുടെ പ്രധാന ആയുധം പ്രാര്‍ഥനയും പ്രവര്‍ത്തനവുമാണെന്ന് സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടരി പ്രൊഫ. കെ. ആലിക്കുട്ടി മുസ്‌ലിയാര്‍. ഇവയെല്ലാം പരീക്ഷണമാണ്. വിശ്വാസികള്‍ക്ക് ഇതിലൊക്കെ പാഠമുണ്ട്. പരസ്പരം സഹകരിച്ചും സഹായിച്ചും ഇത്തരം സന്ദര്‍ഭങ്ങളെ അതിജീവിക്കാന്‍ കഴിയേണ്ടതുണ്ട്. കരിപ്പൂര്‍ വിമാനപകടത്തില്‍ സമസൃഷ്ടി സ്‌നേഹത്തിന്റെ ഉദാത്ത മാതൃകയാണ് നാം കണ്ടത്. അപകട തോത് പരമാവധി കുറക്കാന്‍ കഴിഞ്ഞതിന്റെ കാരണം അപകടം നടന്ന ഉടനെ നാട്ടുകാര്‍ നടത്തിയ രക്ഷാപ്രവര്‍ത്തനമാണ്. അപകടത്തില്‍ മരണപ്പെട്ടവര്‍ക്ക് അനുശോചനം അറിയിക്കുകയും ചെയ്യുന്നു അദ്ദേഹം പറഞ്ഞു.