കോഴിക്കോട്: സിറ്റി വനിത കോ-ഓപ്പറേറ്റീവ് സൊസൈറ്റിയുടെ പുതിയ സംരംഭമായ സിറ്റി സൂപ്പര്‍മാര്‍ക്കറ്റ് നാളെ പ്രവര്‍ത്തനമാരംഭിക്കും.
ബേങ്കിങ് ഇതര മേഖലകളിലേക്ക് കൂടി പ്രവര്‍ത്തനം വ്യാപിപ്പിക്കുന്നതിന്റെ ഭാഗമായി വെള്ളിമാട്കുന്ന് എ.പി.എം ആര്‍ക്കേഡിലാണ് സൂപ്പര്‍മാര്‍ക്കറ്റ് തുറക്കുന്നത്. നാളെ രാവിലെ 9.30ന് വിവേകാമൃത ചൈതന്യ, ബശീറലി ശിഹാബ് തങ്ങള്‍, റവ. ഡോ തോമസ് പനയ്ക്കല്‍, സി.എന്‍ വിജയകൃഷ്ണന്‍ എന്നിവര്‍ ചേര്‍ന്ന് ഉദ്ഘാടനം നിര്‍വഹിക്കും.
വിവാഹം, വിവാഹേതര ആഘോഷങ്ങള്‍ക്കാവശ്യമായ ഉല്‍പന്നങ്ങള്‍ മൊത്തവിലയില്‍ വീടുകളില്‍ എത്തിച്ചു കൊടുക്കുന്ന സംവിധാനവും സൂപ്പര്‍മാര്‍ക്കറ്റില്‍ ഉണ്ടായിരിക്കും.
5000 ഉപഭോക്താക്കള്‍ക്ക് പ്രിവലേജ് കാര്‍ഡ് നല്‍കി കൊണ്ട് പരമാവധി വിലക്കുറവില്‍ സാധനങ്ങള്‍ ലഭ്യമാക്കും. ആദ്യവില്‍പ്പന ഉദ്ഘാടനം സഹകരണ വകുപ്പ് ജോയിന്റ് രജിസ്ട്രാര്‍ എ അബ്ദുല്‍ റഷീദും സമ്മാന പദ്ധതി ഉദ്ഘാടനം ബിജുലാലും സബ്‌സിഡി അരി വിതരണം പ്രമീള ബാലഗോപാലും മൊബൈല്‍ ബേങ്കിങ് ഉദ്ഘാടനം കൗണ്‍സിലര്‍ ഇ പ്രശാന്തും ചാരിറ്റി പദ്ധതി ഉദ്ഘാടനം ഡോ. എ യഹിയാ ഖാനും നിര്‍വഹിക്കും.
വാര്‍ത്താസമ്മേളനത്തില്‍ ഇ പ്രബിത, പി സബിത, ഡോ. പി.പി ഗീതാ കുമാരി, കെ.കെ നിര്‍മലാ ബായ്, എ സാവിത്രി പങ്കെടുത്തു.