വളാഞ്ചേരി: കരിപ്പൂര്‍ വിമാന അപകടത്തില്‍ മരിച്ച വാരിയത്ത് സുധീറി(43)ന്റെ വിയോഗത്തില്‍ തേങ്ങുകയാണ് വളാഞ്ചേരി കുളമംഗലം ദേശവും. 

അപകടത്തില്‍ പരുക്കേറ്റ സുധീര്‍ കോഴിക്കോട് മിംസ് ആശുപത്രിയില്‍വച്ചാണ് മരിച്ചത്. യു.എ.ഇയില്‍ ജോലി ചെയ്തിരുന്ന സുധീര്‍ ലീവിന് മടങ്ങിയതായിരുന്നു. കോഴിക്കോട് മാങ്കാവ് പരേതനായ പത്മനാഭ മേനോന്റെ മകനാണ്. വളാഞ്ചേരിയില്‍ ഏതാനും വര്‍ഷം മുമ്പ് വീടുവച്ച് സ്ഥിരതാമസമാക്കിയതായിരുന്നു. 

മാതാവ്: വിമല മേനോന്‍. ഭാര്യ: വളാഞ്ചേരി കാരാട്ട് വെള്ളാട്ട് സുനിത. മക്കള്‍: ശ്രേയ മേനോന്‍, ആദിനാഥ് മേനോന്‍.