കക്കട്ടില്‍: കോര്‍പറേറ്റുകളെ സംരക്ഷിക്കുന്ന നയമാണ് ബി.ജെ.പിയും കോണ്‍ഗ്രസും പിന്തുടരുന്നതെന്ന് സി.പി.എം പോളിറ്റ്ബ്യൂറോ അംഗം വൃന്ദാകാരാട്ട്.
കുന്നുമ്മല്‍ മേഖലാ എല്‍.ഡി എഫ് റാലി ഉദ്ഘാടനം ചെയ്തു സംസാരിക്കുകയായിരുന്നു അവര്‍. സാധാരണക്കാരന്റെ താല്‍പര്യങ്ങള്‍ സംരക്ഷിക്കാന്‍ ഇടത് പക്ഷത്തിന്റെ അംഗങ്ങളുടെ സാന്നിധ്യം പാര്‍ലമെന്റില്‍ ഉണ്ടാവണം. കോണ്‍ഗ്രസിനെയും ബി.ജെപിയേയും ഒരേപോലെ അധികാരത്തില്‍ നിന്ന് അകറ്റേണ്ടിയിരിക്കുന്നുവെന്നും അവര്‍ പറഞ്ഞു. വി.വി പ്രഭാകരന്‍ അധ്യക്ഷനായി. പി.സതീദേവി, എ.എന്‍ ഷംസീര്‍ എം.എല്‍.എ , കെ.കെ ദിനേശന്‍, പി. സുരേഷ് ബാബു, നീലിയോട്ടുമ്മല്‍ നാണു, വി. രാജന്‍ സംസാരിച്ചു.