മനാമ: ബഹ്‌റൈന്‍ കേരളീയ സമാജം (ബി.കെ.എസ്) മെയ് ദിനം പതിവുപോലെ വിപുലമായി ആഘോഷിക്കുന്നു. വിവിധ തൊഴില്‍ശാലകളിലും അല്ലാതെയും ജോലി ചെയ്യുന്ന ഏതൊരാള്‍ക്കും പങ്കെടുക്കുവാന്‍ പറ്റിയ വിവിധ കലാ കായിക പരിപാടികള്‍ മെയ് ഒന്നിന് കാലത്ത് 10 മണിമുതല്‍ വൈകീട്ടുവരെ ബി.കെ.എസ്സില്‍ നടക്കുമെന്ന് ആക്ടിങ് പ്രസിഡന്റ് പി.എന്‍. മോഹന്‍ രാജ്, ജനറല്‍ സെക്രട്ടറി എം.പി. രഘു എന്നിവര്‍ അറിയിച്ചു.

കരോക്കെ മലയാളം, ഹിന്ദി ചലച്ചിത്ര ഗാനങ്ങള്‍, മലയാളം സമൂഹഗാനം, കബഡി, വടംവലി,ചിത്രരചന എന്നീ ഇനങ്ങളിലാണ് മല്‍സരങ്ങള്‍ നടക്കുന്നത്. ഗ്രൂപ്പ് കലാ ഇനങ്ങളില്‍ അഞ്ചില്‍ കുറയാത്തതും പത്തില്‍ കൂടാത്തതുമായ അംഗങ്ങള്‍ ഉണ്ടായിരിക്കണം. കൂടാതെ വൈകുന്നേരം 5 മുതല്‍ 7 മണി വരെ ലൈവ് ഓര്‍ക്കസ്ട്രയും സംഘടിപ്പിക്കുന്നുണ്ട്. കലാകായിക മത്സരങ്ങളിലും, ഓര്‍ക്കസ്ട്രയിലും പങ്കെടുക്കുവാന്‍ ആഗ്രഹിക്കുന്നവര്‍ മെയ് ദിന ആഘോഷ കമ്മിറ്റി ജനറല്‍ കണ്‍വീനര്‍ കെ.ടി.സലിം (33750999), കണ്‍വീനര്‍മാരായ വിനോദ് ജോണ്‍ (39458480), രജി കുരുവിള (39449958) എന്നിവരുമായി ബന്ധപ്പെടാവുന്നതാണ്. മെയ് ദിന ആഘോഷങ്ങളിലേക്ക് ഏവരെയും ക്ഷണിക്കുന്നതായും ഭാരവാഹികള്‍ അറിയിച്ചു.