കണ്ണൂര്‍: കേരളത്തിന് മാതൃകയായ നാടന്‍ കലാഗ്രാമത്തെ യു.ജി.സി അംഗീകാരമുള്ള പഠന-ഗവേഷണ കേന്ദ്രമാക്കി മാറ്റുമെന്ന് മന്ത്രി എ.കെ ബാലന്‍.
കണ്ണപുരം തൃക്കോത്ത് ആരംഭിക്കുന്ന നാടന്‍ കലാഗ്രാമത്തിനാ
യി എം.എല്‍.എ ഫണ്ടില്‍ നിന്നു 50 ലക്ഷം രൂപ ചെലവില്‍ നിര്‍മിച്ച പ്രധാന സ്റ്റേജിന്റെയും അനുബന്ധ കെട്ടിടങ്ങളുടെയും ഉദ്ഘാടനം നി
ര്‍വഹിക്കുകയായിരുന്നു മന്ത്രി. കലാപഠന കേന്ദ്രം, ഡോക്യുമെന്റേഷന്‍ സംവിധാനം, മ്യൂസിയം എന്നിവയ്ക്കു പുറമെ, നാടന്‍ ഭക്ഷ്യ വിഭവങ്ങളുടെയും കൈവേലകളുടെയും കളിമണ്‍പാത്ര ശില്‍പങ്ങളുടെയും പ്രോത്സാഹനത്തിനുള്ള പദ്ധതികളും നാടന്‍കലാ ഗ്രാമത്തില്‍ ആരംഭിക്കുമെന്നും ഫോക്‌ലോര്‍ അക്കാദമിയും സാംസ്‌കാരിക വകുപ്പും ഇതിനുള്ള സഹായങ്ങള്‍ നല്‍കുമെന്നും മന്ത്രി പറഞ്ഞു. ടി.വി രാജേഷ് എം.എല്‍.എ അധ്യക്ഷനായി.
ജില്ലാ പഞ്ചായത്ത് വൈസ് പ്രസിഡന്റ് പി.പി ദിവ്യ, കണ്ണപുരം പഞ്ചായത്ത് പ്രസിഡന്റ് കെ.വി രാമകൃഷ്ണന്‍, കേരള ഫോക്‌ലോര്‍ അക്കാദമി ചെയര്‍മാന്‍ സി.ജെ കുട്ടപ്പന്‍, സെക്രട്ടറി ഡോ.എ.കെ നമ്പ്യാര്‍, പി.പി ഷാജിര്‍, കെ.പി വിനോദ് സംസാരിച്ചു.