കോഴിക്കോട്: സി.എച്ച് സെന്റര്‍ റമദാന്‍ കാംപയിന്‍ ഫലപ്രദമാക്കാന്‍ ജില്ലാ മുസ്‌ലിം ലീഗ് കമ്മിറ്റി പരിപാടികള്‍ ആവിഷ്‌കരിച്ചു. റിലീഫ് പ്രവര്‍ത്തനങ്ങള്‍ക്കൊപ്പം സി.എച്ച് സെന്റര്‍ ഫണ്ട് ശേഖരണം റമദാനിലെ രണ്ടാമത്തെ വെള്ളിയാഴ്ച നടത്തും. ഇതിന്റെ മുന്നോടിയായി മണ്ഡലാടിസ്ഥാനത്തില്‍ താഴെ പറയുന്ന പ്രകാരം യോഗം വിളിച്ചു കൂട്ടാനും തീരുമാനമായി. കൊടുവള്ളി, നാദാപുരം (മെയ് -രണ്ട്, ചൊവ്വ ), ബാലുശ്ശേരി (മൂന്ന്, ബുധന്‍), കൊയിലാണ്ടി ( നാല്, വ്യാഴം), കുറ്റ്യാടി, തിരുവമ്പാടി, കുന്ദമംഗലം, എലത്തൂര്‍ (അഞ്ച്, വെള്ളി), ബേപ്പൂര്‍, കോഴിക്കോട് സൗത്ത്, പേരാമ്പ്ര, വടകര (ആറ്, ശനി), കോഴിക്കോട് നോര്‍ത്ത് (എഴ്, ഞായര്‍). സി.എച്ച് സെന്റര്‍ ജില്ലാ കോഡിനേറ്ററായി എന്‍.സി അബൂബക്കറെ നിയോഗിച്ചു.
പ്രസിഡന്റ് ഉമ്മര്‍ പാണ്ടികശാല അധ്യക്ഷനായി. കെ.എ ഖാദര്‍ മാസ്റ്റര്‍ സ്വാഗതം പറഞ്ഞു. ജില്ലാ ജനറല്‍ സെക്രട്ടറി എന്‍.സി അബൂബക്കര്‍ പരിപാടികള്‍ വിശദീകരിച്ചു. സി.എച്ച് സെന്റര്‍ ജനറല്‍ സെക്രട്ടറി എം.എ റസാഖ് മാസ്റ്റര്‍, എസ്.പി കുഞ്ഞമ്മദ്, സി.പി ചെറിയ മുഹമ്മദ്, മൂസ മൗലവി, കെ. മൊയ്തീന്‍ കോയ, സി.ടി സക്കീര്‍ ഹുസൈന്‍, പി.എം അബൂബക്കര്‍ മാസ്റ്റര്‍, കെ.കെ ആലിക്കുട്ടി മാസ്റ്റര്‍, ഖാലിദ് കിളിമുണ്ട, നാസര്‍ എസ്റ്റേറ്റ്മുക്ക്, മഠത്തില്‍ അബ്ദുറഹ്മാന്‍, മലയില്‍ അബ്ദുല്ലക്കോയ, എന്‍.കെ മൂസ മാസ്റ്റര്‍, ശുക്കൂര്‍ തയ്യില്‍, സാജിദ് കോറോത്ത്, സി.കെ കാസിം, നജീബ് കാന്തപുരം, ഇബ്രാഹിം എളേറ്റില്‍ സംബന്ധിച്ചു.