കോഴിക്കോട്: സംസ്ഥാനത്ത് നിന്ന് കെ.എസ്.ആര്‍.ടി.സി ബംഗ്‌ളൂരു, മൈസൂര്‍ എന്നിവിടങ്ങളിലേക്കും തിരിച്ചും ഓണത്തിന് സ്‌പെഷ്യല്‍ സര്‍വിസുകള്‍ നടത്തുമെന്ന് ഗതാഗത മന്ത്രി എ.കെ ശശീന്ദ്രന്‍. കൊവിഡ് കാലത്ത് നിര്‍ത്തിവച്ചിരുന്ന അന്തര്‍സംസ്ഥാന ബസ് സര്‍വിസുകളാണ് പുനഃരാരംഭിക്കുന്നത്.
കൊവിഡ് പ്രോട്ടോക്കോള്‍ പാലിച്ചായിരിക്കും സര്‍വിസുകള്‍ നടത്തുക. യാത്രക്കാര്‍ കൊവിഡ് ജാഗ്രതാ പോര്‍ട്ടലില്‍ രജിസ്റ്റര്‍ ചെയ്യണം. യാത്രാപാസ് കരുതണം. മാസ്‌ക് ധരിക്കുകയും സാനിറ്റൈസര്‍ ഉപയോഗിക്കുകയും ചെയ്യണം. യാത്രയ്ക്ക് മുന്‍പ് ആരോഗ്യ സേതു അപ്ലിക്കേഷന്‍ ഡൗണ്‍ലോഡ് ചെയ്യണം.
മതിയായ യാത്രക്കാര്‍ ഇല്ലെങ്കില്‍ സര്‍വിസ് റദ്ദ് ചെയ്യുകയോ, തമിഴ്‌നാട്, കര്‍ണാടക സര്‍ക്കാരുകള്‍ യാത്രാനുമതി നിഷേധിക്കുകയോ ചെയ്താല്‍ മുഴുവന്‍ തുകയും തിരിച്ചു നല്‍കുന്നതാണെന്നും മന്ത്രി അറിയിച്ചു. ഓഗസ്റ്റ് 15 മുതല്‍ ടിക്കറ്റ് ബുക്കിങ് ആരംഭിച്ചിട്ടുണ്ട്.
തിരുവനന്തപുരത്ത് നിന്നും പാലക്കാട്, കോഴിക്കോട് എന്നീ പ്രദേശങ്ങള്‍ വഴിയാണ് റിസര്‍വേഷന്‍ സൗകര്യമുള്ള സര്‍വിസ് നടത്തുക.
10 ശതമാനം അധികനിരക്കുള്‍പ്പെടെ എന്റ് ടു എന്റ് നിരക്കുകള്‍ പ്രകാരമാണ് സര്‍വിസ്. ംംം.ീിഹശില. സലൃമഹമൃരേ.രീാ എന്ന വെബ്‌സൈറ്റില്‍ റിസര്‍വേഷന്‍ ചെയ്യാം. 9447071021 എന്ന നമ്പറിലും വിവരങ്ങള്‍ ലഭിക്കും.